భూగర్భ జల విభాగం

భూగర్భ జల శాఖ యొక్క కార్యకలాపాలు:

స్థల అన్వేషణలు:

ఎస్. సి. కార్పొరేషన్, ట్రైబల్ వెల్ఫేర్, టి.ఎస్.ఐ.పాస్. (పరిశ్రమలు), టి.ఎస్. వాల్టా ప్రకారము వ్యవసాయము మరియు త్రాగు నీరు కోసము, పెర్కోలేషన్ ట్యాంక్ మరియు చెక్ డ్యామ్ కొరకు అన్వేషణలు చేపట్టెదము. 

నీటి మట్టముల సేకరణ:

భూ గర్భ జల స్థితిగతులు తెలుపుటకు ప్రతి మాసము జిల్లలో స్థాపించబడిన 26 పీజో మీటర్ల మరియు 2 పరిశీలన బావుల నుండి నీటి మట్టములు సేకరించడము జరుగుతున్నది. ఇవియేకాక నేషనల్ హైడ్రొలోజి ప్రాజెక్ట్ క్రింద జిల్లా యందు నీటి అంచనాలను మెరుగు పరుచుటకు ఇంకను 18 పీజో మీటర్ల నిర్మాణము చేపట్టడము జరిగినది. అక్టోబర్, 2021 నెల నుండి  నీటి కొలతలు సేకరించడము జరుగుచున్నది. అట్టి సమాచారమును భూ గర్భ జలాలపై అవగాహనకు వీలుగా మరియు నీటి వనరులపై ప్రణాళిక తయారు చేసుకొనుటకు గాను జిల్లాలోని ముఖ్యమైన శాఖలకు తెలియ చేయడము జరుగుచున్నది.

ఇంతకు ముందు నిర్మించిన 4 పీజో మీటర్ల యందు టెలి మెట్రిక్ డిజిటల్ నీటి స్థాయి రికార్డులు తెలంగాణ అటవీ అభివృద్ధి సంస్థ, దూలపల్లి, జె. ఎన్. టి. యు., కూకట్పల్లి, ఎలక్ట్రికల్ సబ్ స్టేషన్, చర్లపల్లి మరియు పశు వైద్య శాల, ఆల్వాల్ యందు అమర్చడము జరిగినది. 

మిషన్ కాకతీయ ప్రోగ్రాం:

మిషన్ కాకతీయ ప్రోగ్రాం క్రింద రాయలాపూర్ గ్రామములోని అప్పలాయ చెరువు, రావాలకొల్లు గ్రామములోని పెద్ద చెరువు మరియు రాజాబొల్లారం తండాలోని పటేల్ కుంట ట్యాంకుల యొక్క ప్రభావిత ప్రాంతములు మరియు ప్రభావితము లేని ప్రాంతముల  వద్ద 15 పరిశిలక బావులను ఎంచుకొని ప్రతి మాసము భూ గర్భ జల నీటి మట్టలను తీసుకొనుట జరుగుచున్నది. ఈ నీటి మట్టల ద్వారా ఆయా ప్రాంతలలోని భూ గర్భ జల లభ్యత అంచనా వేయడము జరుగుచున్నది.

నీటి నాణ్యత:

వర్షాకాలం ముందు మే మాసమునందు మరియు వర్ష కాలము తర్వాత (నవంబర్ మాసమునందు) నీట్టి నమూనాలను పరిశీలక బావులు మరియు  పీజో మీటర్ల యందు సేకరించి ప్రధాన కార్యాలయములోని నీటి నాణ్యత ప్రయోగ శాల యందు నీటి నమూనాలను అంచనా చేయడము జరుగును.

 భూ గర్భ జల వనరుల అంచనా కమిటీ:

జిలాల్లోని భూగర్భ జలాల ఉనికి, లభ్యత వినియోగము మరియు మిగులు భూ గర్భ జలాలను వాటర్ షెడ్ వారీగా మండల వారీగా మరియు గ్రామ స్థాయి వారీగా 2019 – 2020 సంవసరమునకు గాను అధ్యాయనము చేయడము జరిగినది.

 భూ గర్భ జల లభ్యత          – 9376.29

భూ గర్భ జల వినియోగము  – 5763 .44

మిగులు భూ గర్భ జలాలు   – 3612.92

అభివృద్ధి దశ                        – 61 % (సురక్షిత)  (Safe)       

కమీషనర్, రురల్ డెవలప్మెంట్, తెలంగాణ గారి ఆమోదమునకై పంపనయినది.

ప్రయాజనకర అధ్యాయనము (Purpose Driven Study):

ప్రయాజనకర అధ్యాయనము లో భాగముగా “జి.ఎహె.ఎం.సి., హైదరాబాద్ నందు భూ గర్భ జల నాణ్యత మరియు పరిమాణము మరియు నిర్వహణ” చేపట్టడము జరిగినది. ఈ అధ్యాయనములో మేడ్చల్ – మల్కాజ్గిరి, రంగారెడ్డి, హైదరాబాద్ మరియు సంగారెడ్డి లోని కొంత ప్రాంతము తీసుకొనబడినది. అధ్యానములో భాగముగా అల్వాల్, కుత్బుల్లాపూర్, బాలానగర్, కూకట్‌పల్లి, మల్కాజిగిరి, కాప్రా మరియు ఉప్పల్ మండలముల యందు 53 పరిశీలక బావులను ఎంపిక చేసి ప్రతి మాసాంతము నీటి కొలతల సేకరణ మరియు నీటి నమూనాలను వర్ష కాలము ముందు (మే మాసము నందు) మరియు వర్ష కాలము తర్వాత (నవంబర్ మాసము నందు) సేకరించి అధ్యయనము చేయుట జరుగుచున్నది.

భూ గర్భ జల వినియోగము పైన అవగాహన సదస్సు: 

ముడుచింతలపల్లి మండలములోని ముఖ్యమంత్రి గారి దత్తత గ్రామాలైన లక్ష్మాపూర్ మరియు కేశవరముల యందు 31 కృత్రిమ రీఛార్జి కట్టడములు చెరువులు, చెక్ డ్యాములు మరియు కుంటలు దగ్గర నిర్మాణము జరిగినది. ఈ కట్టడముల దగ్గర 35 పరిశీలక బావులు ఎంపిక చేసి ప్రతి మాసాంతమునకు నీటి కొలతలు సేకరించి అధ్యనము చేయుచున్నాము.

నీటి మట్టములు కృత్రిమ రీఛార్జి కట్టడములకు ముందు చాలా లోతులో ఉన్నవి. కట్టడముల తర్వాత చుట్టూ పక్కల బోర్ బావులలో నీటి మట్టములు 10 .00 మీ.  నుండి 13.00 మీ. వరకు పెరిగినది.